مكتوب علىّ

مكتوب عليّ اترقبها من غير ما ابين فمتعرفش

مكتوب علىّ اتتبعها من غير ما تدرى فمترتبكش

مكتوب علىّ اسرح فيها كل يوم من غير ما اقول فمتعلمش

مكتوب علىّ احب فيها من غير ما اتكلم فمتتاثرش

مكتوب علىّ اغير عليها من غير ما اصرح فمتهتمش

مكتوب علىّ اشوفها بتبكى ,فتبكى عينيا و متسكتش

مكتوب علىّ اكون زعلان اكون متضايق ,و الاقيها بتضحك فمزعلش

مكتوب علىّ افكر فيها و اشتاق ليها طول الليل فمنامش

ارجع و اقول طب و اخرتها ؟؟!!

اقول خلاص خلينى مع الفراق

, خلاص هابعد و ارتاح فمتتهزش

اروح اجرى و اقول خلاص....خلاص هقول فمنطقش

اقول خلاص مفيش احلام ,مفيش اوهام, مفيش خيالات ,

يعنى من الاخر مفيش مكتوب

لكن

....

....

.....

مجرد ما اسمعها بتنادى

مجرد ما اشوفها قصادى

ارجع تانى و اقول مكتوب